A Mensaxe de Silo

A Mensaxe dada por Silo expúxose en O Libro (A Mirada Interna), A Experiencia (cerimonias) e O Camiño (frases de meditación).
O libro coñécese desde hai tempo como A Mirada Interna. A Mirada Interna, escrita en prosa poética, explora temas relacionados co significado da vida e a Forza interior. Nas súas lecturas públicas, en discusións e nas explicacións proporcionadas, prima a interpretación libre. Algunhas obras, como A Paisaxe Interna e A Paisaxe Humana, axudaron a comprender A Mensaxe.
A Mensaxe é unha expresión do “Profundo”, das profundidades máis íntimas do espírito humano capaces de transcender os tempos e espazos nos que vive o noso “eu”.